demofilo.com

  • Aumentar tamaño del tipo
  • Tamaño del tipo predeterminado
  • Disminuir tamaño del tipo
Inicio Textos de los alumnos Una pequeña muestra de asturiano

Una pequeña muestra de asturiano

E-mail Imprimir PDF

PA TERESINA GONZÁLEZ

Tráyote’l cabás Teresa,
cola moñeca de trapu,
cuantayá, frañera encesa,
que-yos devolviera’l Papu.

El mio versu, si te peta,
escribayao en ringleres.
Una muesa, d’escoyeta,
del maxín a sos deleres.

Alcordances del collaciu
de guedeyes de panoya
que mudó a mayor, con xaciu,
sin escaecer la troya.

 

El mandilón de cuadrinos,
d’un caxón de la memoria.
Chuchos de los rapacinos,
los qu’enredaben na noria.

Les cintines de colores,
sin desendolcar los llazos.
Enfotu pa que nun llores
y de la to xente, abrazos.

Regolvinos de la fonte,
de la corra, unes castañes.
Una semeya la ponte
que cruciabes en Tremañes.

Al cuartu escuru de suaños
quiero, yo, la lluz iguar;
d’esta miente, tolos años,
abondo podrás xugar.